काठमाडौं- सामाजिक सञ्जालमा हरेक दिन हजारौं तस्वीर सार्वजनिक हुन्छन् । तर यतिबेला एउटा सामान्य ग्राजुएसन फोटोले असामान्य चर्चा पाएको छ। कारण फोटोको आकर्षण होइन, त्यसमा देखिएको संवेदनशीलता हो।
एक युवतीले आफ्नो ग्राजुएसन समारोहको समूह तस्वीर पोस्ट गर्दा सँगै रहेका साथीहरूको अनुहार इमोजी प्रयोग गरेर लुकाइन्। उनले फोटो सार्वजनिक गर्नुअघि अरूको गोपनीयतालाई प्राथमिकता दिएको यो कदमले सामाजिक सञ्जाल प्रयोगकर्ताहरूको ध्यान तानेको हो।
धेरैले यसलाई “सानो तर गहिरो चेतना” को रूपमा व्याख्या गरेका छन्। अहिलेको डिजिटल संस्कृतिमा अनुमति नलिई अरूको फोटो पोस्ट गर्नु सामान्यजस्तै बनिसकेको अवस्थामा युवतीको व्यवहारलाई जिम्मेवार सामाजिक अभ्यासको उदाहरण मानिएको छ।
विशेषगरी यो घटनापछि जापानी समाजमा पाइने सम्मान संस्कृतिबारे फेरि चर्चा सुरु भएको छ। जापानमा अरूको व्यक्तिगत सीमा, भावना र गोपनीयतालाई विशेष महत्व दिने सामाजिक अभ्यास लामो समयदेखि देखिँदै आएको छ। त्यसैले पनि धेरै प्रयोगकर्ताले यो घटनालाई “डिजिटल युगको सभ्यता” सँग जोडेर हेरेका छन् ।
सामाजिक सञ्जालमा एकपटक सार्वजनिक भएको सामग्री लामो समयसम्म इन्टरनेटमा रहन सक्छ। कतिपय अवस्थामा यसले व्यक्तिगत असहजता, मानसिक दबाब वा भविष्यमा समस्या समेत निम्त्याउन सक्छ। यही कारण अहिले फेरि प्रश्न उठेको छ ।
“अरूको तस्वीर पोस्ट
गर्नुअघि अनुमति लिनु कति आवश्यक छ ?”
धेरै प्रयोगकर्ताले
टिप्पणी गरेका छन् कि सम्मान केवल ठूलो व्यवहारमा होइन, यस्तै साना निर्णयमा
पनि देखिन्छ। एउटा इमोजीले ढाकिएको अनुहारले अहिले डिजिटल दुनियाँमा सहमति, गोपनीयता र सामाजिक
जिम्मेवारीबारे नयाँ बहस सुरु गराएको छ ।
